|
| శ్రీకాంత్, మీరాజాస్మిన్ జంటగా అ..ఆ..ఇ..ఈ |
శ్రీకాంత్, మీరాజాస్మిన్ జంటగా కొత్త చిత్రం తెరకెక్కుతోంది. ఈ సినిమా పేరు అ..ఆ..ఇ..ఈ (అతను ఆమె.. ఇంతలో ఈమె). శ్రీకల్పన ఆర్ట్స్ పతాకంపై బొద్దం అశోక్ ఈ చిత్రాన్ని నిర్మిస్తున్నారు. అదిరిందయ్యా చంద్రం, టాటాబిర్లా మధ్యలో లైలా, యమగోల మళ్లీ మొదలైంది, చందనా బ్రదర్స్- బొమ్మనా సిస్టర్స్ చిత్రాల దర్శకుడు శ్రీనివాసరెడ్డి దీనికి దర్శకత్వం వహిస్తున్నారు.
ఈ సినిమా విశేషాలను తెలియజేసేందుకు సోమవారం రాత్రి జూబ్లీహిల్స్లో ఏర్పాటు చేసిన విలేకరుల సమావేశంలో దర్శకుడు శ్రీనివాసరెడ్డి మాట్లాడుతూ తన సినిమాలు విజయవంతం అవడానికి టైటిల్స్ వెరైటీగా దొరకడం కూడా ఒక కారణమన్నారు. వెరైటీ టైటిళ్లు దొరికితే సినిమాకు సగం సక్సెస్గా తాను భావిస్తానన్నారు.
విజయ్కుమార్ ఫొటోగ్రఫీతో సినిమా చేయాలనే తన కోరిక ఈ సినిమాతో నెరవేరబోతుందని దర్శకుడు తెలిపారు. శ్రీకాంత్, మీరాజాస్మిన్ జంటగా శ్రీనివాసరెడ్డి చేస్తున్న రెండో సినిమా ఇది. గత చిత్రాలకంటే ఈ సినిమాకు మంచి కథ దొరికిందని దర్శకుడు చెప్పారు. కామెడీతోపాటు సెంటిమెంట్ కూడా కథలో మిళితం అయి ఉంటుందన్నారు.
ఈ సినిమా త్వరలో సెట్స్పైకి వెళ్లనుందని నిర్మాత తెలిపారు. శ్రీనివాసరెడ్డి అసిస్టెంట్ డైరెక్టర్గా పనిచేసే రోజుల నుంచి తనకు తెలుసని చెప్పారు. తాను నిర్మించిన ఎనిమిదో చిత్రం "ఆషాడం పెళ్లికొడుకు"తో ఆయన దర్శకునిగా పరిచయం అయ్యారు. ఎస్వీ కృష్ణారెడ్డి, ఇవివి సత్యనారాయణ పంథాలోనే శ్రీనివాసరెడ్డి కూడా వెళుతున్నారు. శ్రీనివాసరెడ్డి నిర్మాతలకు కూడా అనువైన దర్శకుడు అని ప్రశంసించారు.
| | (మూలం - వెబ్దునియా) |
| |
| | | |
|
|
|
|
|
| మీ రోజు - రాశుల ఆధారంగా మీ రోజూ వారీ లాభ, నష్టాలను, తీసుకోవాల్సిన జాగ్రత్తలను తెలుసుకునేందుకై... |
| |
|
|
|
|
 | | PC |
| | |
| |
|
|
|
|
|
| తారాఫలం - తెలుగు, తమిళ చిత్రసీమలో గ్లామర్ పాత్రల్లో నటించి అనతి కాలంలోనే స్టార్ హీరోయిన్ల జాబితాలో... |
| |
|
|
|
|
|
|
|
